Galmoonni Imaammata Dijitaal Itiyoophiyaa-2030 : dhaqqabummaa babaldhisuu, carraa walqixa lammii hundaaf umuufi dhaabbilee gidduutti walamantaa cimsuudha. Galmoonni kun sadeen walitti ida’amuun, lammiileef carraa hojii umuu, guddinaafi birmadummaa biyyaa mirkaneessuu qabaatu.
Ministirri Muummee Abiyyi Ahimad (PhD) sirna Ifoomsa Imaammata Dijitaal Itiyoophiyaa-2030 irratti ibsaafi deebii hirmaattotaaf wayita kennanitti, galmoonni immaammata biyyoolessa kunneen akka milkaa’an, humni elektirikiifi hidhaminsi (Connectivity)’n murteessoo ta’uu ibsuun, waggoottan shanan dhufan guutuu Itiyoophiyaatti hidhamiinsa netiworkii diriirsuun, lammiileen carraa walqixa akka argatan taasisuu barbaachisaa ta’us ibsanii jiru.